12 November 2013

Tite Dore Adat vs Gereja




Ata Waibalun (Bernardus)  tulis te blog naen. Go beng basa wia rema:

"Adat menuntut untuk tite mesen taan ni. Kalo tite taan hala maka tite ait toun ruan noro mae nukor. Goe ana ata jadi nekun goen ne Tuan Allah. Adat bole pele liko lewotanah goen nekun adat bisa hala maso te lingkungan iman goen."

Tite ata Lamaholot (Flores Timur) memang moripe te lango rua. Tuhan Allah langun (gereja) non lango beruin (adat). Adat titen pelate-pelate. Ina ama kaka ari sot-sot kalo ra dore adat hala.

Tite dore agama Serani, permandian Katolik, tapi iman titen mege kurang. Tite lebih sot nong adat, koda kiring, belahi teti hau, padahal tite nepe Tuhan Allah anaken. Tite permandikan kae, sambut baru kae, tapi tite oneket mege hala.

Tite memang lewotana nimun, adat Lamaholot tite jaga. Tapi tite tong iman titen, basa kitab suci, denga tuan pastor koda kiring serani, Tuhan Allah maring aku.

Adat titen welin-welin. Witi, wawe, bala, kalar bala, watek, belaon... Macam-macam. Bulet dagel tekan tenu ewang nawung, poro witi wawe aya-aya. Tekan tenu sare ro hasil naen di kurang maksimal.

Soba ewang nawung tite dom, dapat doi, tao teti bank onen, tite dapat modal. Hope barang-barang, dum papalele teti lango, tite tong doit titen. Hasil naen tite taan hope barang balik, neka teti bank.

Ama Kornelis maring nepa, "Moe dore adat le kitab suci? Go dore kitab suci. Kitab suci ne koda kiring Tuhan Allah naen, adat ne koda kiring ina ama kaka ari nolungen. Tite tetap dore, hormat adat, tapi jangan sampe doit titen gohuka, ewang nawung dekona... taang urus adat."

Tite tei pi Jawa ata lewun, tite toi tang adat hala muri. Tapi tite balik lewo denga koda kiring, urusan tula gudung, adat aya-aya?

Ama Kor, teika Malang, maring ana-ana muringen, sekolah beloloken, pejabat, harus tula contoh. Harus berani!
Berani hapus adat?

"Bukan menghapus adat di kampung. Tite tetap dore adat nenek moyang, adat nepe tite dore sampe tite mataye. Tite nepi ka lewotanah alawen, lewo nimun. Tapi goe pikir adat nepe dikurangi, disederhanakan. Ake welin baing.

Bulet dagel akel lela baing. Witi bala ake aya baing. Tite pikir masa depan ana muringen titen. Tite toal doi etin lamak tang urus adat, doit titen gohuka. Bulet dagel getan, ana muringen titen pelae rang Malaysia, melarat seba wata wai rae ata lewuna.

Salam lewo diken tana sare!

Sent from my BlackBerry® via Smartfren EVDO Network

No comments:

Post a Comment