25 January 2012

Wata take uran kurang



Tun nepi uran rae lewo kurang2. Uran lodo moan tou rua hena. Ina ama kaka ari mula wata, ro go niku mela hala.

Wata teti Ileape mataya moan rua kae. Waktu go balik lewo wulan waiken ia uran di take. Ekan teti mawa di sare hala, wata tawa nepa kahen.

Tun waiken Desember 2010 pas go saing wata belolo2. Tite pana teti Bungamuda, tobi puken, toi wekike hala.

"Mungkin uran beto wati. Moga-moga lera wulan tana ekan peten tite," amak tou maring go.

Kalo uran tun, ina ama rae lewo mula aku muri? Nean, bibit, gohuka kae. Hope nean welin2, ra doita take. Beng tabe aku?

Go basa surat kabar pi leron, NTT warata kae. Kapal2 feri pana bisa hala karena oyok belek2. Tanah Lembata urana le take?

Pemerintah kabupaten, bapa bupati, wakil bupati, camat... mio musti jaga2. Antisipasi! Ekan malu mara, wata take wai kurang!

2 comments:

  1. bahasa daerahnya sulit juga ya... gak ngerti sama sekali bro...

    ReplyDelete