10 April 2009

Situ Gintung Njaluk Tulung



Cacahe korban tiwas akibat musibah jebole tanggul Situ Gintung ing Kelurahan Cirendeu, Ciputat, Tangerang, meh satus. Situ utawa tlaga iku jebol Jumat (27/3/2009) parak esuk.

"Korbane udakara ana wong 98," kandhane Yudi, petugas posko. Dene cacahe sing ilang isih durung gumathok. Ana sing kandha 112, uga ana sing ngitung wong 100. Saliyane kurban tiwas, posko uga nyathet ana 37 korban dirawat lan kurban cidera wong 45.

Wadhuk iki dibangun nalika jaman Landa. Situ iki sejatine mujudake saluang irigasi. Sawise merdeka saluran iku fungsine owah dadi wadhuk konservasi wisata.

Meh kabeh jinis hiburan ing kono ana. Dolane bocah-bocah cilik uga ana, water boom, banane boat kanggo ngubeng tlaga, prau layar lan sakehing pelengkapan hiburan liyane sumadhiya ing kana.

Situ Gintung pulo kang manggon ing tengah situ ambane 21 hektar [biyen asale 31 hektar], uga dadi pangonan wisata liyane. Cekake, Situ Gintung wis dadi papan wisata.

Situ Gintung mujudake tlaga gaweyane Landa. Manut Kepala Balai Besar Wilayah Sungai Ciliwung Cisadane Pitoyo Subandrio, Situ Gintung dibangun pemerintah kolonial Belanda taun 1932-1933. Dadi, umure wis76 taun.

Ing kana uga dibangun celah kang disebut pelimpah ambane limang meter. Uga dibangun pintu air cilik kanggo irigasi. Nanging, pintu air iku saiki wis ora ana maneh jalaran lahan-lahan pertanian ing sakiwa tengene kono saiki wis wah dadi perumahan.

Wiwit mula pembangunane, 76 taun kepungkur, tanggul iki ora nate diplengseng. Tanggul iku tetep saka lemah.

Situ Gintung mujudake salah siji saka 160 luwih situ ing wilayah Jakarta, Bogor, Depok, Tangerang, lan Bekasi. Jembare Situ Gintung uga wis suda. Manut cathetane Badan Pengajian dan Penerapan Teknologi, tlga iki jembare nate 70 hektar.

Nalika nembe dibangun dhek 1932, Situ Gintung ambane 31 hektar. Nanging, jalaran saya cethek, jembarane saya suda engga kari 21,4 hektar, kanthi nampung banyu kehe 2,1 yuta meter kubik.

KREDIT FOTO: http://www.republika.co.id/uploads/TV/images/cov_situ_gintung_1_OK.jpg

1 comment:

  1. Di tangah kota aja bisa terjadi seperti ini.
    Semoga kita dpt mengambil hikmahnya.
    my blog
    articles

    ReplyDelete